ԵՊՀ-ում ընտրություններ են` ծանոթ սցենարով

10:54 Yerevan | 6:54 GMT | Tuesday 1 July 2008

Մարինա Բաղդագյուլյան

Այսօր, ժամը 10-ին ԵՊՀ-ում ընտրություններ են լինելու: Որոշելու են, թե ով պետք է լինի Աշխարհագրության եւ Երկրաբանության ֆակուլտետների դեկանը: Այստեղ ուշագրավը ընտրությունների կայացման փաստը չէ, կայացման «ինչպես»-ի եւ «ինչու»-ի խնդիրն է:

Եթե փորձենք «ինչու»-ին պատասխանել, կարող ենք ասել, որ ԵՊՀ-ում մի օր ինչ-որ մեկի խելքին կարող է փչել միավորել, ասենք, Միջազգային հարաբերությունների եւ Իրավագիտության կամ` Պատմության եւ Բանասիրության ֆակուլտետները եւ` առանց այդ երկու ֆակուլտետների գիտական խորհուրդների որոշման: Ռեկտորատի նիստերից մեկում, երբ քննարկվել է այս երկու ֆակուլտետների միավորման հարցը, հարց է հնչել` «Չէ՞ որ աշխարհագրությունը ավելի լայն եւ բազմակողմանի գիտություն է, եւ միավորումը երկրաբանության հետ խնդիրներ կառաջացնի»: Այդժամ Երկրաբանության ֆակուլտետի դեկան Մարատ Գրիգորյանը ոտքի է ելնում եւ 70 հոգի պրոֆեսորների, ակադեմիկոսների ներկայությամբ ամենայն պատասխանատվությամբ հայտարարում` «Աշխարհագրություն գիտություն գոյություն չունի»:

Ի դեպ, միացյալ ֆակուլտետների դեկանի ընտրություններին մասնակցում են երեք թեկնածուներ` Աշխարհագրության ֆակուլտետի դեկան Աշոտ Խոյեցյանը, Երկրաբանության ֆակուլտետի դեկան Մարատ Գրիգորյանը եւ տակավին ասիստենտ Արսեն Գրիգորյանը: Եվ ընտրություններում հաղթելու է 68-ամյա Մարատ Գրիգորյանը: Ես գուշակ չեմ եւ, անկեղծ ասած, այս եզրահանգմանը գալու համար պետք չէր լուրջ վերլուծություններ անել: Ես ընդամենը գիտեմ, որ

ա) «Աշխարհագրությունը գիտություն չէ» «տեսակետը» հովանավորվում է ԵՊՀ պրոռեկտոր Գեղամ Գեւորգյանի կողմից, ով հատուկ աշխատանքներ է տանում ֆակուլտետների մասնագետների հետ, խոստանում հաջող պաշտպանություններ, խնդիրների լուծումներ:

բ) Մարատ Գրիգորյանը ՀՅԴ կուսակցությունից է:

գ) Մարատ Գրիգորյանը նախընտրական փուլում դասախոսական անձնակազմի մոտ ահ ու սարսափ է տարածել` նշելով իր կուսակցական պատկանելությունը:

դ) Մարատ Գրիգորյանը հիշեցրել է, որ իր եղբայրը ՊԱԿ-ի նախկին աշխատակից Սոկրատ Հովսեփյանն է, ով, ինչպես հայտնի է, իր «ընդվզումը» շատ ամոթալի ձեւերով կարող է արտահայտել` վրաններ զարկելով, հայհոյելով եւ այլն:

Դե, իսկ դեկանի երրորդ թեկնածուն մոտավորապես Արթուր Բաղդասարյանի, Արտաշես Գեղամյանի կամ Վահան Հովհաննիսյանի դերում է` սարքած «այլընտրանք»:

Սա էլ` ընտրությունների կայացման շատ ծանոթ «ինչպես»-ը:

Բայց մի նախազգուշացում` այնուամենայնիվ... Եթե հանկարծ ԵՊՀ-ում էլ դասախոսները հենց վաղը ամաչեն, զզվեն եւ ընդդիմանան վախի, ստրկության մթնոլորտին, պնակալեզությանը, եւ դրա արդյունքում Մարատ Գրիգորյանի հիվանդագին քմահաճույքը չիրագործվի, ապա Սոկրատ Հովսեփյանը ամեն գիշեր վրան է խփելու դասախոսներից մեկի տան առաջ, անիծի ու հայհոյի...

ուրբաթ, 21 դեկտեմբեր 2008

ԵՊՀ-ում ընտրություններ են` ծանոթ սցենարով

10:54 Yerevan | 6:54 GMT | Tuesday 1 July 2008

Մարինա Բաղդագյուլյան

Որոնում

Արխիվ

Վերլուծական

«Շվեդական մոդելի» էությունը

Քաղաքական

Իշխանության քիլերը

Աշխարհ

Գլոբալիզացիան շարունակվում է